ന്യൂഡല്ഹി: മൂന്ന് പാര്ലമെന്ററി സമിതികളിലേക്ക് അംഗങ്ങളെ നാമനിര്ദേശം ചെയ്യുന്നതിനുള്ള പ്രമേയങ്ങള്ക്ക് രാജ്യസഭ അംഗീകാരം നല്കി. 2026 മേയ് ഒന്നുമുതല് ആരംഭിക്കുന്ന ഒരു വര്ഷം കാലാവധിയുള്ള ഒഴിവുകളിലേക്കാണ് നാമനിര്ദേശങ്ങള് സമര്പ്പിക്കാന് കഴിയുക.
പബ്ലിക് അക്കൗണ്ട്സ് കമ്മിറ്റി, പൊതുമേഖലാസ്ഥാപനങ്ങളുടെ കമ്മിറ്റി, പട്ടികജാതി-പട്ടികവര്ഗ ക്ഷേമത്തിനുള്ള കമ്മിറ്റി എന്നീ പാര്ലമെന്ററി സമിതികളിലേക്കാണ് പുതിയ അംഗങ്ങളായി എംപിമാരെ നാമനിര്ദേശം ചെയ്യുക.
പാര്ലമെന്ററികാര്യ സഹമന്ത്രി എല്.മുരുകനാണ് രാജ്യസഭാധ്യക്ഷന്റെ അനുമതിയോടെ പാര്ലമെന്ററി സമിതികളിലേക്ക് അംഗങ്ങളെ നാമനിര്ദേശം ചെയ്യുന്നതിനുള്ള മൂന്ന് വ്യത്യസ്ത പ്രമേയങ്ങള് അവതരിപ്പിച്ചത്.
E-paper LOGIN
LOGIN